أخر قرارات شــركة واتساب

بسم الله الرحمن الرحيم السلام عليكم ورحمة الله وبركاته شرح النهارده هيكون عن سبب حظر رقمك من إستخدام الواتساب وازاي تحمي نفسك من حظر حسابك هنبدأ الأول بالكلام اللي حصل والقرارات اللي نزلت بشأن شروط الخدمة...

قرارات شركة فيسبوك لحماية تطبيق واتساب

في الشهر الحالي سيعمل الاتحاد الأوروبي على تحديث قوانين الخصوصية الخاصة به لفرض المزيد من الشفافية على الطرق التي يتم استخدام بها معلومات الناس على الشبكة. ونحن في شركة واتساب في صدد تحديث شروط الخدمة وسياسة الخصوصية الخاصة بنا في الأماكن التي سيسري عليها قانون اللائحة العامة لحماية البيانات والمعروف بـ GDPR (طبعا من أولهم مصر).

د كان قرار رسمي من واتساب والاتحاد الأوروبي القرار نزل بعد ماوصلت شكاوي كتيرة جدا بإن بيانات العملاء بتتسرق والتطبيق مش مؤمن بما فيه الكفاية.

طب ايه اللي جاب القلعة جمب البحر...

طبعا القلعة هيا شركة واتساب ايه علاقة واتساب بالإتحاد الأوروبي 

شركة واتساب أسست كيانا ضمن الإتحاد الأوروبي لتطبيق الحماية التامة لبياناتك في واتساب ولتزويدك بالخدمات وحماية خصوصيتك القصوي.

اسمع كدا بقا الكلام اللي جاي ده:-

عندما نتلقى تقارير عن رسائل غير مرغوب بها - على غرار الرسائل المزعجة [أو ما يعرف بسبام] أو غيرها من المحتويات المسيئة والتعسفية - على أي من واتساب أو فيسبوك، حينها نعمل على مشاركة المعلومات(باختصار بيتابعو رسايلك وكلامك) ويمكننا بالتالي اتخاذ الإجراءات اللازمة بما في ذلك حظر الجهات المسيئة على كل من واتساب وفيسبوك. 

تهتم شركة واتساب بشدة بخصوصيتك وأمانك. وبالتالي فإن كل رسالة ومكالمة تجريها تكون محمية من خلال التشفير التام، فلا يتمكن أحد، ولا حتى واتساب، من الاطلاع أو الاستماع إلى محادثاتك إلا في حالة ملاحظة نشاطا غير معتاد.

 في الأسابيع المقبلة ستتمكن من تنزيل المعلومات المحدودة التي نجمعها عنك والاطلاع عليها (هيتابعو نشاط كل العملاء). وسوف تتوفر هذه الخاصية في جميع أنحاء العالم شيئاً فشيئ في أحدث إصدار من واتساب.

أظن كدا انت فهمت ليه بتتحظر وليه الشركة بتتجاهل طلب رفع الحظر...

اسباب اخري لحظر حسابك..!

إنــك بتستخدم نسخ من واتساب معدلة + مفيش نسخ معدلة مش بتديك حظر اولا الحظر ملهوش اي علاقة بالنسخة الحظر بيتم لما بتاخد بلوكات كتير ود بيحصل برضو لما كل شوية واحد يهرب منك ببلوك الشركة طبعا بيوصلها بلوكات كتير ناس عملاها ليك فالشركة تلقائيا بتتدخل علي معلوماتك وبتشوف رسايلك ونشاطك وبالتالي نشاطك مفيش اقذر منه وتلاقي الحظر فدماغك هيجبلك صداع.

إنك بتستخدم النسخ المعدلة اللي بتبعت رسالة موجهة لأكتر من خمس أشخاص وده اكبر مخالفة لشروط الخدمة وإنك بتدخل تدايق اشخاص انت مش متسجل عندهم فدفتر العناوين وانت كمان ممكن تكون مش مسجلهم(التحفيل).

إنك بتكون فرحان بعداد الرسايل اللي بيكون فالنسخة تقوم حضرتك حاطط الـــVIRUSوتحدد 100 مرة مثلا وتسيبو احب اقولك د اسمه (Spam) الســبام د الشركة اتكلمت عنه فوق وفحالة لما الشركة بتلاحظ انك باعت رسايل كتير جدا لشخص واحد او لاكتر من شخص فدقيقة واحدة تلقائيا من غير الرجوع ليك بتدخل علي بياناتك تشوف نوعية الرسايل تلاقيها اول حاجة بتتبعت من نسخة معدلة+VIRUS+الشخص ده مش مسجلك وانت طبعا فرحان ان اللي قدامك مات منك وجنازته هتكون بعد 3 دقايق في الــ B. C لحظة ما هو بيهرب بقا ببلوك منك كدا انت رسميا اتسجلت مزعج في الشركة هناك والكلام د كفيل يخليك متستخدمش واتساب تاني نهائيا. 

شركة واتساب مش شركة صغيرة او عيل صغير هتروح تضحك عليه برسالة الشركة بتفضل برضو تتابع نشاطك ويمكن بتتابع النشاط اكتر وادق من الأول وحضرتك بقا بتخاف تحفل علي حد بس برضو للأسف واحد يضحك عليك يقولك النسخة دي مش بتحظر ده كله لعب عيال وربنا اذا كانت الشركة كاتبة فاسباب الحظر عدم استخدام نسخ معدلة من الواتساب باختصار مفيش نسخة مش بتحظر.

طب ايه الحل كدا مبقاش فيه مجال فيروسات اصلا.. !

هقولك مفيش حل عارف ليه لان الشركة كدا امنت التطبيق وطبقت شروط الخدمة بكل شفافية وده قرار فرحني جدا وبالنسبه للمجال د انساه خلاص اكتفي لحد كدا + د عالم ملهوش لازمة.

وبكدا يكون خلص موضوع النهاردة ....

اشوف وشكم علي خير